یەکێک لە دانیشتووانی گوندی "سەراویان" لە وتووێژێکدا لەگەڵ رێکخراوی مافی مرۆڤی هانا رایگەیاند، "ئەم دوو ئاواییە تا ئێستا لە خزمەتگوزاری پێویست بێبەش بوون و لوولەی ئاوی خواردنەوەیان بۆ رانەکێشراوە. ئێستاش بە هاتنی وشکەساڵی دانیشتووانی ئەم گوندانە ماوەی ٦ مانگە لەگەڵ گرفتی بێ ئاوی بەرەوڕوون و پێوەی دەناڵن. سەرەڕای ئەوەی چەند کەڕەت خەڵکی ئاواییەکانی  "سەراویان" و "مامەنانی خوارین" بە مەبەستی چارەسەری کێشەی بێ ئاوی سەردانی بەرپرسان و ناوەندە پێوەندیدارەکانیان کردووە، بەڵام تا ئێستا هیچ هەوڵێکیان نەداوە و تا دێ گوزەران و ژیانی خەڵک لەم دوو ئاواییە سەخت و دژوارتر دەبێ. ئەمە لە حاڵێکدایە هێڵی سەرەکی لوولەی ئاوی خواردنەوە تەنیا دوو کیلۆمیتر لەم ئاواییانە دوورە.