ئەم هەواڵنێرییە لە درێژەی راپۆرتەکەدا دەڵێ: دووکاندارەکان لەبەر ئەوەی "بەرپرسان و ناوەندە پێوەندیدارەکان گرنگی نادەن بەم توێژە لە کۆمەڵدا و گوێ نادەنە داواکاری و گرفتەکانیان" کۆبوونەوەی ناڕەزایەتییان بەڕێوەبردووە. 

کاسبکارەکان لە مەیدانەکانی میوە و تەڕەبار، بە بەدەستەوەگرتنی بەنەر و پلاکارد کە دواکارییەکانی خۆیان لە سەر نووسیبوو دەستیان داوەتە ناڕەزایەتی. 

ناڕازیان رایانگەیاندووە، سەرەڕای نووسینی نامە و سەردانی فەرمانداری، شووڕای شار و شارەوانی سەقز، بەڵام بەداخەوە هیچ وەڵامێکی روونمان بۆ چارەسەری کێشە و بەربەستەکانمان وەرنەگرتووە و تا وەدەستهێنانی دواکارییەکانمان دەست لە مانگرتن و ناڕەزایەتی هەڵناگرین.