موژگان کاووسی رۆژی چوارشەممە ٦ی ئۆکتۆبری ٢٠٢١ لە بەندیخانەی "ئێڤین"ەوە بۆ گرتووخانەی هێزە ئینتزامییەکانی کەرج گوازرابۆوە و لە دۆخێکی زۆر نالەباردا بوو. ناوبراو رۆژی شەممە ٩ی ئۆکتۆبر لە پێوەندییەکی تەلەفونیدا لەگەڵ بنەماڵەکەی باسی لە ئەوە کردبوو بە هۆکاری نادیار بۆ بەندیخانەی "کچوئی" کەرەج گواستراوەتەوە. 

"موژگان کاووسی" نووسەر و لێکۆڵەری کورد، خەڵکی "کلاردەشت" لە پارێزگای مازەندەرانە کە لەلایەن دەزگای قەزایی ئێرانەوە ٧٦ مانگ بەندکرانی بە تۆمەتی "پڕوپاگەندە دژی نیزام"، "هاندانی خەڵک و تێکدانی هێمنایەتی گشتی" و "ئەندامەتی لە حزبەکانی کوردی نەیاری حکومەتی ئیسلامی ئێران" بە سەردا سەپاوە.