هەواڵ

سەقز: سەپاندنی سزای ساڵێک بەندکران بە سەر شارۆمەندێکی کورددا 

08:48 - 24/11/2021

سەقز: سەپاندنی سزای ساڵێک بەندکران بە سەر شارۆمەندێکی کورددا 

هانا: رۆژی دووشەممە ١ی سەرماوەزی ١٤٠٠ – (٢٢ی نوامبری ٢٠٢١)، شارۆمەندێکی کوردی خەڵکی سەقز سزای ساڵێک بەندکرانی بە سەردا سەپاوە. 

 

هاوکارانی هانا لەم راپۆرتەدا ناسنامەی ئەم شارۆمەندەیان "فوئاد عەجەمی" خەڵکی سەقز راگەیاندووە. بەپێی ئەم راپۆرتە، ناوبراو هاوینی ساڵی ١٣٩٩ بە تۆمەتی هاوکاری یەکێک لە حزبە کوردییەکانی نەیاری حکومەتی ئیسلامی ئێران لەلایەن هێزە ئەمنییەکانەوە لە سەقز دەستبەسەر کرابوو و پاش لێپێچینەوە بە دانانی بارمتە بە شێوەی کاتی ئازاد کرابوو. 

ئێستاش بە پێی ئەم راپۆرتە ناوبراو لەلایەن دادگای حکومەتی ئیسلامی لە سەقز سزای ساڵێک بەندکرانی بۆ بڕاوەتەوە و بە مەبەستی تێپەڕاندنی سزاکەی رەوانەی بەندیخانەی سەقزیان کردووە. 
 

08:54 - 24/11/2021 نوێ کراوەتەوە.