هەواڵ
بانە: کوژران و بریندار کرانی ٣ کۆڵبەر لەلایەن هێزە چەکدارەکانی حکومەتەوە
06:23 - 1/12/2021
هانا: رۆژی سێشەممە ٩ی سەرماوەزی ١٤٠٠ – (١ی دیسەمبری ٢٠٢١)، سێ شارۆمەندی کورد لە کاتی کۆڵبەریدا لە سنووری "چۆمان" و "هەنگەژاڵ"ی بانە کەوتنە بەر تەقەی هێزە چەکدارەکانی حکومەتی ئیسلامی ئێران و لە ئاکامدا کۆڵبەرێک گیانی لەدەستداوە و ٢ کۆڵبەریش بریندار بوون.
بەپێی ئەم راپۆرتە هێزە چەکدارەکانی حکومەتی ئیسلامی ئێران لە سنووری "چۆمان" لە ناچەی بانە، تەقەیان لە کاروانێکی کۆڵبەران کردووە و لە ئاکامدا کۆڵبەرێک بە ناوی "عادڵ عەلی پوور" تەمەن ١٩ ساڵ و خەڵکی ئاوایی "سەرسول"ی ناوچەی بانە گیانی لەدەستداوە. هەروەها هەر لەم هێرشەدا کۆڵبەرێکی تریش بە ناوی "یاسین ئەمین پوور" تەمەن ٤٠ ساڵ و خەڵکی ئاوای "سەرسول" بریندار بووە.
هەر بەپێی ئەم راپۆرتە، هێزە چەکدارەکانی حکومەت لە سەر سنووری "هەنگەژاڵ" تەقەیان لە کۆڵبەران کردووە و لە ئاکامی ئەم کردەوەیەشدا کۆڵبەرێک بە ناوی "فەریدوون محەممەدی" تەمەن ٣٣ ساڵ و خەڵکی ئاوایی "گوێزلێ"ی ناوچەی بانە بریندار بووە.
شایانی باسە "یاسین ئەمین پوور" و "فەریدوون محەممەدی" بۆ چارەسەری برینەکانیان رەوانەی نەخۆشخانەی سەلاحەدین ئەیوبی بانە کراون.
زۆرتر لەسەر ئەم بابەتە:
- برینداربوونی کۆڵبەرێک بە تەقەی هێزەنیزامییەکان لە بەرزاییەکانی سنووری هەورامان
- ئاماری کوژران و بریندار بوونی کۆڵبەران لە مانگی خاکەلێوەی ١٤٠٣
- بانە ؛ کوژرانی کۆڵبەرێک بە تەقەی هێزەنیزامییەکان
- بریندار بوونی شەش کۆڵبەر بە تەقەی هێزەنیزامییەکان لە بەرزاییەکانی سنووری نەوسوود
- کوژرانی کۆڵبەرێکی خەڵکی مەریوان بە تەقەی هێزەنیزامییەکان