هەواڵ
بانە: دوو کۆڵبەر بە تەقەی راستەوخۆی هێزەکانی حکومەت کوژران و بریندار بوون
05:16 - 28/5/2022
هانا: ئەمڕۆ شەممە ٧ی جۆزەردانی ١٤٠١-(٢٨ی مەی ٢٠٢٢)، هێزە چەکدارەکانی حکومەتی ئیسلامی ئێران لە نزیک ئاوایی "کێلە" لە ناوچەی بانە تەقەیان لە کاروانێکی کۆڵبەران کردووە و لە ئاکامدا کۆڵبەرێک گیانی لەدەستدا و کۆڵبەرێکیش بریندار بووە.
بەپێی ئەم راپۆرتە لە ئاکامی ئەم کردەوەیەی هێزە چەکدارەکانی حکومەت "ئاکۆ رەسووڵی" تەمەن ٢٥ ساڵ و خەڵکی ئاوایی "قۆخەمامۆ"ی بانە گیانی لەدەستداوە و کۆڵبەرێکی تر بە ناوی "ئارام محەممەدی" خەڵکی بانە بە خەستی بریندار بووە.
بەپێی ئەم راپۆرتە، "ئارام محەممەدی" بۆ نەخۆشخانەی بانە گوازراوەتەوە و ئێستا لە ژێر چاوەدێری پزیشکیدایە و هەروەها دۆخی تەندروستی ناجێگیر راگەیەندراوە.
هاوکارانی هانا لەم راپۆرتەدا ئاماژەیان بەوە کردووە "ئاکۆ رەسووڵی" بە هۆی بێکاری و لە بەر نەبوونی و بە ناچار پەنای بردووەتە بەر کۆڵبەری.
07:13 - 28/5/2022 نوێ کراوەتەوە.
زۆرتر لەسەر ئەم بابەتە:
- بریندار بوونی شەش کۆڵبەر بە تەقەی هێزەنیزامییەکان لە بەرزاییەکانی سنووری نەوسوود
- کوژرانی کۆڵبەرێکی خەڵکی مەریوان بە تەقەی هێزەنیزامییەکان
- سەقز ؛ کوژرانی کۆڵبەرێک بە تەقەی هێزەنیزامییەکان
- بریندار بوونی کۆڵبەرێک بە تەقەی هێزەنیزامییەکان لە سنووری بانە
- بریندار بوونی کۆڵبەرێک بە هۆی کەوتنەخوارەوە لە بەرزاییەکانی سنووری هەورامان
