هەواڵ

سەقز: دەستبەسەرکرانی ٣ مامۆستای خوێندنگەکان 

11:33 - 18/6/2022

سەقز: دەستبەسەرکرانی ٣ مامۆستای خوێندنگەکان 

هانا: رۆژی پێنجشەممە ٢٦ی جۆزەردانی ١٤٠١-(١٦ی ژوئەنی ٢٠٢٢)، دوو چالاکی پیشەیی ئەنجومەنی مامۆستایانی کوردستان لقی سەقز – زێوێ، لەلایەن هێزە ئەمنییەکانی حکومەتی ئیسلامی ئێرانەوە دەستبەسەر کراون. 


ناوی ئەم دوو مامۆستایە "حیسام خاکپوور" و "حەسەن رەحیمیان" خەڵکی سەقز راگەیەندراوە. 
بەپێی ئەم راپۆرتە، هێزە ئەمنییەکانی حکومەتی بە بێ بەڵگەی یاسایی رژانونەتە ماڵی ئەم دوو شارۆەمەندە و دوای پشکنینی ماڵەکانیان قۆڵبەستیان کردوون و رەوانەی بەندیخانەی سەقزیان کردوون. 

هەروەها رۆژی هەینی ٢٧ی جۆزەردانی ١٤٠١، مامۆستایەکی تری چالاکی پیشەیی بە ناوی "موحسین شکوهی" خەڵکی سەقز لەلایەن هێزە ئەمنییەکانی حکومەتەوە دەستبەسەرکراوە. 
بەپێی ئەم راپۆرتە، "موحسین شکوهی" بە بێ بەڵگەی یاسایی لەلایەن هێزە چەکدار و ئەمنییەکانی حکومەتەوە گیراوە و لەگەڵ خۆیان بردوویانە. 
 

11:40 - 18/6/2022 نوێ کراوەتەوە.