هەواڵ
ورمێ: دۆزینەوەی تەرمی سێیەم کۆڵبەری بێسەروشوێن
05:28 - 20/6/2022
هانا: ئەمڕۆ دووشەممە ٣٠ی جۆزەردانی ١٤٠١-(٢٠ی ژوئەنی ٢٠٢٢)، تەرمی سێیەم کۆڵبەری بێسەروشوێنی ناوچەی مەرگەوەڕ بە ناوی "ئەسعەد سەیدانی فەر" پاش ١٦٠ رۆژ دۆزراوەتەوە و تەرمەکەی لەلایەن هێزە چەکدارەکانی تورکیەوە بۆ "شەمزینان" گوازراوەتەوە.
جێگای وەبیرهێنانەوەیە، سێ کۆڵبەر بە ناوەکانی "ئەسعەد سەیدانی فەر" کوڕی رەحیم و خێزاندار و باوکی دوو منداڵ، "بێهلوول سەیدانی فەر" کوڕی کەریم و خێزاندار و باوکی سێ منداڵ و "بارزان مەیهەنی" کوڕی شەوکەت کە هەرسێکیان خەڵکی گوندی "باوان" لە ناوچەی "مەرگەوەڕ"ی ورمێ بوون لە دوانیوەڕۆی رۆژی ٢٣ی بەفرانباری پارەکەوە (١٤٠٠) لە بەفر و باڕنی کوێستانی "بنار"دا ون و بێسەروشوێن بوون.
رۆژی شەممە ٢٧ی گوڵان تەرمی "بارزان مەیهەنی" و رۆژی دووشەممە ٩ی جۆزەردان تەرمی "بێهلوول سەیدانی فەر" دۆزرانەوە و لە زێدی خۆیان و ئاوایی "باوان"ی ناوچەی مەرگەری ورمی بە خاک ئەسپەردە کران.
11:13 - 20/6/2022 نوێ کراوەتەوە.
زۆرتر لەسەر ئەم بابەتە:
- برینداربوونی کۆڵبەرێک بە تەقەی هێزەنیزامییەکان لە بەرزاییەکانی سنووری هەورامان
- ئاماری کوژران و بریندار بوونی کۆڵبەران لە مانگی خاکەلێوەی ١٤٠٣
- ورمێ دەستبەسەرکرانی فوتساڵیستی کورد لە لایەن ئیدارەی ئیتڵاعاتەوە
- بانە ؛ کوژرانی کۆڵبەرێک بە تەقەی هێزەنیزامییەکان
- بریندار بوونی شەش کۆڵبەر بە تەقەی هێزەنیزامییەکان لە بەرزاییەکانی سنووری نەوسوود