هەواڵ
بۆ جاری دووهەم شارومەندێکی کورد بە سزای لە سێدارەدان مەحکومکرا
12:24 - 17/2/2021
بۆ جاری دووهەم شارومەندێکی کورد بە تۆمەتی حەولدان بە مەبەستی هەڵگیرساندنی شۆڕشی چەکدارانە لە دژی کۆماری ئیسلامی ئێران بە سزای لەسێدارەدان مەحکومکرا.
بەپێی هەواڵێک کە بە تۆڕی نێونەتەوەیی مافی مرۆڤی کوردستانی ئێران گەیشتووە، شارومەندێکی کورد بە ناوی "حسێن کەمانگەر" خەڵکی شاری کامیاران بۆ جاری دووهەم لەلایەن دادستانەوە بە سزای لەسێدارەدان مەحکومکرا.
رۆژی ٢شەممە رێکەوتی ٢٧ی رێبەندانی ١٣٩٩ی هەتاوی بەرامبەر بە ١٥ی فێورییەی ٢٠٢١ی زایینی دووهەمین کۆبوونەوەی دادگایی "حسێن کەمانگەر" لە لقی یەکەمی دادگای شاری سنە بەڕێوەچوو. لەم دادگایەدا دادستانی شاری سنە لەژێر گوشار و خواستی ئیدارەی ئیتلاعاتی ئەم شارە بۆ جارێکی دیکە خوازیاری لە سێدارەدانی ئەم شارومەندە کوردە بووە.
شایانی باسە "حسێن کەمانگەر" بە تۆمەتی "بەغی" واتە هەڵگیرساندنی شۆڕشی چەکدارانە لە دژی حکومەتی کۆماری ئیسلای ئێران راگەیاندراوە.
پێویست بە ئاماژە کردنە کە ناوبراو پێشتریش لە یەکەمین دادگای خۆیدا لە شاری کامیاران بە سەرۆکایەتی دادوەر "جەعفەری" بە سزای لەسێدارەدان مەحکوم کرابوو.
جێگای ئاماژەیە "حسێن کەمانگەر" لە ساڵی ١٣٩٧ی هەتاوی و بەدوای ئەوەیکە لەلایەن هێزە ئەمنییەتییەکانی شاری کامیاران هێرش دەکڕێتە سەر ماڵەکەی، بەبێ لەبەردەستدابوونی هێچجۆرە بەڵگەنامەیەک لەلایەن دادگاوە، ناوبراویان بەدوای لێدان و کوتان قۆڵبەست و راپێچی ئیدارەی ئیتلاعاتی شاری سنە ناسراو بە "ناوەندی هەواڵنێری ئیتلاعات" کردبوو.
01:54 - 18/2/2021 نوێ کراوەتەوە.
زۆرتر لەسەر ئەم بابەتە:
- جێبەجێ کرانی سزای لە سێدارەدانی زیندانییەکی کورد لە زیندانی کرمان
- سۆما پوور محەممەدی مامۆستای زمانی کوردی بە ١٠ ساڵ بەندکران و دوور خرانەوە مەحکوم بوو
- سەقز ؛ کوژرانی کۆڵبەرێک بە تەقەی هێزەنیزامییەکان
- بریندار بوونی کۆڵبەرێک بە تەقەی هێزەنیزامییەکان لە سنووری بانە
- تارق رەحیم پوور شارۆمەندی خەڵکی سنە سزای 3 ساڵ زیندانی بەسەردا سەپێنرا