کۆماری ئیسلامی بە نمونە و باوکی بەخێوکراوی هەموو ڕەوتە تیرۆریستی و ئایدۆلۆژییەکانی جیهان هەژمار بکرێت. هەر لە سەرەتای سەرکردایەتیی کۆماری ئیسلامییەوە، گرووپەکان بە شێوەیەکی فەرمی و بە وەکالەت لە دەرەوەی سنوورەکانی ئێران دەستیان کرد بە نەهێشتنی فیزیکی و تیرۆرکردنی نەیاران لە هەموو جیهاندا لە پێناو مانەوەی ڕێبەرەکانیان و بە فەرمان و فەتوای ڕێبەر.
لە نێو ئەوانی تردا دەتوانین ئاماژە بە تیرۆرکردنی دوکتور عەبدولڕەحمان قاسملوو، دوکتور سادق شەرەفکەندی، دوکتور بەختیار، فەرەیون فەرۆخزاد و کەسایەتییە ناسراوەکانی دیکە بکەین کە سەرکردەی دژایەتی حکومەتی ئێران بوون. .
لەم ڕاپۆرتەدا ئاماژە بە کردەوە تیرۆریستییەکانی ئێران لە دوای شۆڕش لە تورکیا دەکەین.
دوای سەرکەوتنی شۆڕشی ئیسلامی ئێران لە ساڵی ١٩٧٨، زۆر کەس و سیاسەتمەدار جۆری حکومەت و پرەنسیپی حکوومەتی ئیسلامییان ڕەتکردەوە و چوونە ڕیزی دوژمن و نەیارانی سیاسەتی دەسەڵاتی ئایینی.
حیزبی دێموکراتی کوردستانی ئێران و حیزبی کۆمەڵەی کوردستانی  ئێران، دوو حیزبی ناسراو و نەتەوەیی کوردستانی ئێران، کە لە دڵی نەتەوەی کوردەوە سەریان هەڵدا و لە ڕیزی ڕەخنەگر و دوژمنی حکوومەتی ئیسلامیدا بوون لە ڕێگای دژایەتیکردنی ڕێژیمی کۆماری ئیسلامی ئێران.
حکوومەتی کۆماری ئیسلامی ئێران هەموو تاکتیکێکی بەکارهێنا بۆ بە ئامانجگرتنی فەرماندە سیاسی و سەربازییەکانیان لە هەموو جیهان و هەوڵی ڕفاندنیان دا. لە ساڵی ١٩٩٧ کە بارودۆخی سیاسی عێراق دوای ڕاپەڕینی ناوچە کوردستانییەکان پشێوی کرد و حکومەتی هەرێمی کوردستانیش بەهۆی بوونی دوو لایەنی چالاک و نەبوونی بەڕێوەبەرێک ، دابەش بوو بەسەر دوو ناوچەی زەرد و سەوزدا  توانیان ئەو هێزە ئۆپۆزسیۆنانە بکەنە ئامانج کە لە پارتە کوردییەکان پێکهاتبوون، و بە ئازادی لە سنوورەکانی باکووری عێراقدا بسووڕێنەوە.
بەهۆی ئەمەوە کادرە سیاسییەکان ناچاربوون عێراق بەجێبهێڵن و بچنە تورکیا، کە نەتەوە یەکگرتووەکان و کۆمیساریای باڵای پەنابەران چالاکانە ئامادەبوون.
لەگەڵ دامەزراندنی حیزبی ئیسلامی بە سەرکردایەتی نەجمەدین ئەربەکان کە خۆی کەسێکی ئایینی بووە و بە هۆی ئایدۆلۆژیای ئیسلامی و دژە ڕۆژئاوایی و نزیکیی ئەرباکان لەگەڵ ئێران، ڕۆژ بە دوای ڕۆژ بارودۆخی پەنابەرە سیاسییەکانی ئێران خراپتر دەبێت ، بە شێوەیەک کە بەپێی شایەتحاڵەکان ئەوان لە چوونە دەرەوە بۆ بازاڕکردنی ڕۆژانە ئامادە نە بوون.
لە زستانی ساڵی ١٩٩٧ کەریم محەممەدی ناسراو بە کەریم توژێلە کە بۆ دوا ڕێوشوێنی ئیداریی نەتەوە یەکگرتووەکان بۆ نیشتەجێبوون لە وڵاتی سێیەم بانگهێشتی ئانکارا کرابوو، لەلایەن پۆلیسی تورکیاوە دەستگیرکرا و دوای دوو ڕۆژ لە سنووری شاری وان ، ڕادەستی فەیلەقی پاسەوان کرا. لە لایان ڕێژیمی کۆماری ئیسلامی ئێران دوای چەند مانگ دەستبەسەر کردنی لە سێدارە درا.
هەر لەو ساڵەدا تاقمە تیرۆریستییەکانی کۆماری ئیسلامی لە شاری چێرومی تورکیا، ئەندامێکی سیاسی حیزبی دێموکراتی کوردستانی ئێرانیان بە ناوی تەها کرمانجی لە کاتی بەجێهێشتنی ماڵەکەی بە چەکی گەرم تیرۆر کرد و ئەویش گیانی لەدەست دا.
ڕۆژی ١٤ی نڤەمبری ٢٠١٩ لە ناوچەی شیشڵی ئیستانبوڵ کەسێک بە ناوی مەسعوود مەولەوی ئەندامی پێشووی سپای پاسدارانی ئینقلابی ئیسلامی و بەڕێوەبەری کەناڵی سندوقی ڕەش بە ١١ گوللە کوژرا.
بە گوتەی پۆلیسی تورکیا، دوو دیپلۆماتکاری کۆماری ئیسلامی لەم تیرۆرەدا دەستیان هەبووە.
لە ساڵی١٩٩٩ دا چالاکوانێکی دیکە بە ناوی ئەرسلان ڕەزایی کە بەڕێوەبەری کەناڵی خۆرەفات کەدە بوو، لە ماڵەکەی خۆیدا لەلایەن ئەندامانی سپای پاسدارانی ئینقلابی ئیسلامییەوە هێرش کرایە سەر و لەو هێرشەدا دوای ئەوەی چەند جارێک چەقۆی لێدرا، بە شێوەیەکی موعجیزەیی ڕزگاری بوو.
ڕەنگە ئەمانە بچووکترین حاڵەتی تیرۆر و کوشتنی ڕێژیمی کۆماری ئیسلامی بن لە وڵاتانی دراوسێ و تەنانەت ئێستاش لە سەردەمی ڕاپەڕینی سەرتاسەری گەلی ئێران، ڕێژیمی کۆماری ئیسلامی، میدیا و خەڵک کە بە ئاشکراکردن لە دەرەوەی سنوورەکان درێژە بە خەباتی خۆیان دەدەن دەنگی گەلی ئێران بۆ جیهان، هەڕەشەی کوشتن دەکەن.
ئەمجارە نۆرەی دونیایە هاوکاری ئەم کەسانە بکات کە چاو و گوێی خەڵکی جیهانن.