بە وتەی سەرچاوەیەکی ئاگادار؛ سەعدوڵڵا ئایینی دوای ئەشکەنجەدان و گوشاری توند بۆ دانپێدانانی زۆرەملێ لەلایەن ناوەندە ئەمنییەکان لە دەستبەسەرگەی ئیتلاعاتی ناوەندی ئیلام هەوڵی خۆکوژی دا کە بۆ چارەسەری پزیشکی گواسترایەوە بۆ نەخۆشخانە.

پێویستە ئاماژەی پێی بکرێت ، ڕۆژی سێشەممە "١٤ی فێورییەی ٢٠٢٣" لەگەڵ چوار هاووڵاتیی دیکە بە ناوەکانی "عەزیم یادگاری، حوسێن باپیروند ٤٣ ساڵە، سەفورا مەلەکی ٣٧ ساڵە و فەرشاد ئایینی ٢٩ ساڵە" خەڵکی دێولان، لە لایەن هێزەکانی دەزگای ئیتلاعاتەوە دەستبەسەر و بۆ لێپرسینەوە بۆ دەستبەسەرگەی ناوەندی ئیتلاعاتی ئیلام ڕاگوێزران.