بە وتەی سەرچاوەیەکی ئاگادار؛ناوبراو لەکاتی چوونە ژوورەوەی بۆ نێوەندگیری لە شەڕێکی سەر شەقامەکاندا، بە هۆی لێدانی چەقۆ لە دەماری حەیاتی دوای چەند کاتژمێرێک لە یەکێک لە کلینیکە پزیشکیەکانی ڕوانسەر گیانی لەدەستدا.

هەروەها ئەم سەرچاوەیە لە درێژەی گفتوگۆکەدا لەگەڵ هانا زیادی کردووە؛ کە دوای کوژرانی محەممەد کەریمی ئەو کەسانەی کوشتویانە هەڵاتن.

محەممەد کەریمی ئاگرکوژێنەوە و چالاکی ژینگەپارێزی و یەکێک بوو لە دامەزرێنەرانی سەرەکی کۆمەڵەی "چرۆ"، هەروەها یەکێک لە قارەمانان و ڕاهێنەرە بەناوبانگەکانی وەرزشی رەزمی ، لە شاری ڕەوانسەر بوو.