بەندکراوان

رەزا بەبرنژاد دووبارە دەستبەسەر کرا و بۆ بەندیخانەی قوچان ڕاگوێزرا

09:33 - 8/6/2024

رەزا بەبرنژاد دووبارە دەستبەسەر کرا و بۆ بەندیخانەی قوچان ڕاگوێزرا

هانا : ڕۆژی پێنج شەممە "١٧ی جۆزەردانی ١٤٠٣" رەزا بەبرنژاد برای مەهدی بەبر نژاد لە گیانبەختکردووانی شۆڕشی ژینا لە قوچان ، دووبارە لە لایەن هێزە ئەمنییەکانەوە دەستبەسەر و پاشان بۆ بەندیخانەی قوچان ڕاگوێزرا .

ناوبراو ڕۆژی دووشەممە "٣١ی گوڵانی ١٤٠٣" بە هۆی بڵاو کردنەوەی ئیستۆری لە پەیجی ئینستاگرامەکەی لە پەیوەند لەگەڵ مردنی ئیبراهیم رەئیسی لە لایەن هێزەئەمنییەکان لە ماڵەکەی دەستبەسەر و لە کۆتاییدا لە ڕۆژی شەممە ١٢ی گوڵانی ١٤٠٣ بە دانانی بارمتە بە شێوەی کاتی لە بەندیخانەی قوچان ئازاد کرا .

تا ساتی بڵاو بوونەوەی ئەم هەواڵە هیچ زانیاریەک لە تۆمەتە وەپاڵدراوەکان دژی ئەم شارۆمەندە کوردە بەردەست نیە .

 

09:50 - 8/6/2024 نوێ کراوەتەوە.