سەرچاوەیەکی ئاگادار بە رێکخراوی هانای ڕاگەیاند ؛ ئیدریس نادری لەگەڵ پێنج کۆڵبەریتر بە ناوەکانی "فەخرەدین ناوی خێزانی نادیار خەڵکی سۆرێن، بارزان ناوی خێزانی نادیار خەڵکی ئاوایی خۆریاو ، محەمەد ناوی خێزانی نادیار ، بەختیار ناوی خێزانی نادیار و هەر دووکیان خەڵکی هەوارە خول و جەلال ناوی خێزانی نادیار خەڵکی ئاوایی حەوت تاش" لە کوێستانی حجرە فقیان سنووری نەنوری بانە توشی بەفر و سەرما بوون کە ئیدریس نادری لە باقی کۆڵبەرەکان جیا بووتەوە و ڕێگاکەی ون کردووە و بە هۆی سەرمابردووییەوە گیانی لە دەستداوە .

ئەم سەرچاوەیە لە درێژەدا زیادی کرد ؛ دۆخی تەندروستی یەکێک لەم کۆڵبەرانە ناجێگیر و خراپە و لە نەخۆشخانەی سەڵاحەدینی ئەیوبی لە ژێر چاوەدێریدایە .

بە پێی ئەم ڕاپۆرتە تەرمی ئیدریس نادری بۆ نەخۆشخانەی بانە ڕاگوێزراوە .

شایانی باسە سیاسەتی هەڵاواردن و جیاکاری کۆماری ئیسلامی ئێران بووتە گەشە نەکردنی کوردستان و خەڵکی بە هۆی گوشاری و زەختی بێکاری نەبوونی هەلی کار ناچار بوون پەنا بۆ ئەنجامدانی کارێکی مەترسیدار وەک کۆڵبەری ببەن .