بە پێی ئەم ڕاپۆرتە ؛ ئەم شارۆمەندە چوار ساڵ لەمەوبەر لە ئەنجامی شەڕێک و کوژرانی کەسێک لە شەڕەکەدا بە تۆمەتی قەتڵ دەستبەسەر کراوە و پاشان لە لایەن دەسەڵاتی دادوەری کۆماری ئیسلامیەوە سزای لە سێدارەدانی بە سەردا سەپێنراوە .

بە گوێرەی ڕاپۆرتی هەواڵدەری حال وش ، ڕۆژی سێشەممە ١٦ی گەلاوێژی ١٤٠٣ ، ئەم بەندکراوەیە بە مەبەستی جێبەجێ کرانی سزای سێدارە بۆ ژووری تاکەکەسی بەندیخانە ڕاگوێزرابوو کە ڕۆژی چوارشەممە ١٧ی گەلاوێژ ماوەی ١٠ ڕۆژ مەجالی پێدرابوو بۆ وەرگرتنی ڕەزامەندی لە سکاڵاکار و بۆ بەندی گشتی بەندیخانە گواسترابووەوە .

ناوبراو پاش گەڕاندنەوەی بۆ بەندی گشتی لە پەیوەندیەکی تەلەفونیدا کە تۆمار کراوە ڕوو لە خەڵک ڕایگەیاندووە کە بێ تاوانە .