سەرچاوەیەکی ئاگادر لەمبارەوە بە رێکخراوی مافی مرۆڤی هانای راگەیاند، "شاهین ناسری" لە پێوەندییەکدا لەگەڵ دەرەوەی بەندیخانە ناوی چەند کەسی لە بەرپرسانی بەندیخانە ئاشکرا کردووە کە هەڕەشەی کوشتنیان لێ کردووە و یەکێک لەوانە بە"مەزلوومی" ناسراوە. ناسنامە و ژمارە تەلەفونی ئەو شارۆمەندەی "شاهین ناسری" پێوەندی لەگەڵ گرتبوو، بە لای رێکخراوی مافی مرۆڤی هاناوە پارێزراوە. 
شایانی باسە، شاهین ناسری خەڵکی کرماشان و دانیشتووی تاران بووە بەڵام کاتی خۆی لە بەندیخانەی شیراز بەند کراوە و لەوێ شاهیدی ئەشکەنجە و ئازاری "نەوید ئەفکاری" بووە و دواتر لەقاوی دابوو. هەروەها گیانی ئەو بەندکراوە سیاسییانەش کە لە تیپی پێنجی بەندیخانەی تارانی گەورە بەندکراون و وەک شاهین ناسری پێشێلکارییەکانی مافی مرۆڤیان لە بەندیخانە لەقاو داوە لە مەترسیدایە.