هاوکارانی هانا لە راپۆرتێکدا ئاگاداریان کردین ناسنامەی ئەم شارۆمەندە کوردە "حەبیب رۆستەمی" کوری "گوڵ نەزەر" خەڵکی ئاوایی "فەرمانشا" و نیشتەجێی قەسری شیرینە. بەپێی ئەم راپۆرتە، هێزە چەکدارەکانی حکومەتی ئیسلامی ئێران بە بێ ئاگادار کردنەوە لە سنووری "پەرویزخان" تەقەیان لەم شارۆمەندە کردووە و لە ئاکامدا پێکراوە و گیانی لەدەستداوە. 

شایانی باسە تەرمی ئەم شارۆمەندە کوردە رەوانەی پزیشکی قانوونی کراوە و تا ئێستا نەدراوەتەوە بە بنەماڵەکەی.