سەرچاوەیەکی ئاگادار بە هانای راگەیاند، ئەو فڕۆکانە لە پێشنیوەڕۆ کاتژمێر ١١:٢٦  تا ١١:٣٦ بە سەر ئاسمانی مقەڕی ناوەندیی کۆمەڵەی شۆڕشگێڕی زەحمتکێشانی کوردستانی ئێراندا خولاونەوە. 

شایانی باسە، لە رۆژانی رابردوودا دوای هەڕەشەی بەرپرسانی سپای پاسداران، حکومەتی ئیسلامی ئێران ناوچەکانی "سیدەکان، بەربەزێن، چۆمان و بەرزاییەکانی حاجی عۆمەران"ی بۆ ماوەی چەند رۆژان تۆپباران و بۆمباران کرد و بە فڕۆکەی بێ فڕۆکەوان ئەو شوێنانەی کوتا. جگە لەوە چەندین کەڕەت فڕۆکە بێ فڕۆکەوانەکانی حکومەتی ئیسلامی ئیران بە سەر ئاسمانی مقەڕەکانی کۆمەڵەدا خولاونەوە. هەر بۆیە شیمانەی ئەوە دەکرێ ئەم فڕۆکە شەڕکەرانەش سەر بە ئێران بن. 

جێگای ئاماژەیە، لە دەوروبەر و ناو ئەو مقەڕ و ئوردوگایانەدا، خەڵک و کەسانی مەدەنی نیشتەجێن و هەر جۆرە هێرشێک بۆ سەر ئەم شوێنانە پێشێل کردنی ئاشکرای مافەکانی مرۆڤە.