بەندکراوان
دەستبەسەر کرانی 5 شارۆمەند لە لایەن هێزەئەمنییەکانەوە لە شارەکانی کوردستان
09:58 - 16/2/2024
بە پێی ڕاپۆرتی هاوکارانی هانا : ڕۆژی چوارشەممە "25ی ڕێبەندانی ١٤٠٢" سێ شارۆمەندی خەڵکی مەریوان لە لایەن هێزەئەمنیەکانەوە دەستبەسەر کراون .
ناسنامەی ئەم شارۆمەندانە بۆ هانا "سیروان بازرگان" خەڵکی ئاوایی "شێخ عەتار" "عەلی باقەدەم" خەڵکی مەریوان و "حامد ئەمینی" سالمێنراوە .
سەرچاوەیەکی ئاگادار لە گفتوگۆ لەگەڵ هانا ڕایگەیاند ، هێزەئەمنییەکان بێ پێدانی بەڵگەی یاسایی هێرشیان کردووەتە ماڵی عەلی باقەدەم و دەستبەسەریان کردووە .
ئەم سەرچاوەیە لە درێژەدا زیادی کرد ، هاوکات لەگەڵ دەستبەسەر کردنی ناوبراو هێزەئەمنییەکان هێرشیان کردووەتە سەر ماڵی دوو کەس لە ژن براکانی ، بە ناوەکانی "سیروان بازرگان و حامد ئەمینی" و ئەوانیشیان دەستبەسەر کردووە .
هەروەها ڕۆژی سێشەممە "٢٤ی رێبەندانی ١٤٠٢" دوو شارۆمەند بە ناوەکانی "حسێن ساعدموچشی" خەڵکی ئاوایی "موچش"ی کامیاران و "مستەفا زاهیر زهور" چالاکی مەدەنی و خەڵکی سنە ، لە لایەن هێزەئەمنییەکانەوە بێ پێدانی بەڵگەی یاسایی دەستبەسەر کراون .
تا ساتی بڵاو کردنەوەی ئەم هەواڵە زانیاری سەبارەت هۆکاری گرتن و شوێنی ڕاگیرانی ئەم شارۆمەندانە بەردەست نیە .
زۆرتر لەسەر ئەم بابەتە:
- سنە ؛ دەستبەسەر کرانی خالد ئەحمەدی چالاکی سنفی مامۆستایان لە لایەن هێزەئەمنییەکانەوە
- سۆما پوور محەممەدی مامۆستای زمانی کوردی بە ١٠ ساڵ بەندکران و دوور خرانەوە مەحکوم بوو
- سەقز ؛ کوژرانی کۆڵبەرێک بە تەقەی هێزەنیزامییەکان
- بریندار بوونی کۆڵبەرێک بە تەقەی هێزەنیزامییەکان لە سنووری بانە
- تارق رەحیم پوور شارۆمەندی خەڵکی سنە سزای 3 ساڵ زیندانی بەسەردا سەپێنرا