بەندکراوان
هێرشی گاردی زیندانی قزڵحسار بۆ سەر زیندانیانی سیاسی
04:07 - 28/1/2024
هانا : بە وتەی کانونی مافی مرۆڤی ئێران ڕۆژی یەکشەممە ٨ی رێبەندانی ١٤٠٢ هێزەکانی گاردی زیندانی قزڵحسار هێرشیان کردووەتە سەر بەندی ٤ی ئەو زیندانە کە شوێنی ڕاگرتنی زیندانییانی سیاسیە و زیندانییەکان لە ناڕەزایی بەم کردارە دروشمی مەرگ بۆ خامنەیی ، مەرگ بۆ دیکتاتۆر ، خامنەیی زەحاک دەتکوژینیان داوە .
بەپێی ڕاپۆرتەکان لەم هێرشەدا چەن کەس لە زیندانیەکان لە لایەن پاسەوانانی گاردەوە بە توندی لێیان دراوە و بریندار بوون . لەگەڵ ئەمە هێزەکانی گاردی زیندانی داراییەکانی زیندانیەکانیان وێران کردووە .
ڕاپۆرتەکان باس لەوە دەکەن ئێستا گاردی زیندانی قزڵحسار بە چەک لە حەوشی زیندانن . هۆکاری هێرش بۆ سەر بەندی ٤ ی زیندان بۆ ئەوە دەگەڕێتەوەزیندانییانی سیاسی لە دژی حوکمی ئێعدامی ٤ زیندانی سیاسی ناڕەزاییان دەربڕیوە .
بە پێی ئەم ڕاپۆرتە هێزەکانی ئیدارەی ئیتڵاعات لەم هێرشەدا لەگەڵ هێزەکانی گاردی زیندان بۆ سەر بەندی چواری زیندانی قزڵحسار و لە لێدان و وێرانکردنی داراییەکانی ئەم زیندانییانە بەشدار بوون .
زۆرتر لەسەر ئەم بابەتە:
- قزڵحساری کەرەج ؛ جێبەجێ کرانی سزای لەسێدارەدانی بەندکراوی عەقیدەتی کورد خەسرەو بەشارەت پاش ١٥ ساڵ بەندکران
- سزای لە سێدارەدانی ئەنوەر خزری بەندکراوی عەقیدەتی کورد لە بەندیخانەی قزڵحساری کەرەج جێبەجێ کرا
- جێبەجێ کرانی سزای لە سێدارەدانی چوار زیندانی سیاسی کورد لە زیندانی قزڵحساری کەرەج
- جێبەجێ کرانی سزای لە سێدارەدانی زیندانییەک لە زیندانی قزڵحسار