بە وتەی سەرچاوەیەک ، ناوبراو لە ئاکامی ئەم تەقەکردنە ئەژنۆی بە قورسی بریندار بووە و بۆ وەرگرتنی چارەسەری پزیشکی ڕەوانەی بنکەکانی تەندروستی کراوە .

هەروەها لە ڕۆژانی ڕابردوودا کۆڵبەرێکیتری خەڵکی بانە بە هۆی تەقەی هێزەنیزامیەکان لە سنووری مەریوان بە قورسی بریندار بووە .

بە پێی ئەو ڕاپۆرتانەی گەیشتوونەتە دەستمان ؛ شەوی چوارشەممە "٥ی گوڵانی ١٤٠٣" کۆڵبەرێک بە ناسنامای "ساسان محەمەدی" تەمەن ٢٨ ساڵ ، لە کاتی کۆڵبەری لە سنووری "قامیشلەی" مەریوان ، لە لایەن هێزەنیزامیەکانەوە بە چەکی کڵاشینکۆف تەقەی لێکراوە و دەستی چەپ و لەگەنی بە قورسی بریندار بووە .

سەرچاوەیەک لەمبارەوە زیادی کرد ، ئەم کۆڵبەرە لاوە بەو هۆیەوەی کە فیشەک بەر لەگەنی کەوتووە و لە زگی هاتووەتە دەرەوە ، پاش تێپەڕ بوونی چەند ڕۆژ تائێستاش توانایی جوڵاندنی دەست و قاچەکانی نیە .