کۆڵبەر
بریندار بوونی دوو کۆڵبەر بە تەقەی هێزە نیزامییەکان لە سنووری بانە
11:01 - 21/3/2024
هانا : سەر لە بەیانی چوارشەممە "١ی خاکەلێوەی ١٤٠٣" کۆڵبەرێک بە ناوی "مەهدی شەریفی" تەمەن ٢٣ ساڵ و خەڵکی سەقز ، لە کاتی کۆڵبەری لە سنووری هەنگەژاڵی بانە لە لایەن هێزە نیزامییەکانی جێگیر لەم سنوورە تەقەی لێکراوە و بریندار بووە .
ئەم کۆڵبەرە بۆ وەرگرتنی چارەسەری پزیشکی بۆ بنکەکانی تەندروستی بانە ڕاگوێزراوە .
هەروەها رۆژی سێشەممە "٢٩ی رەشەمەی ١٤٠٢" کۆڵبەرێکیتر خەڵکی بانە لە کاتی کۆڵبەری لە سنووری هەنگەژاڵی ئەم شارە بە تەقەی هێزەنیزامییەکان بە قورسی بریندار بووە .
هاوکارانی هانا ناسنامەی ئەم کۆڵبەرەیان "سلێمان ئەمینی" تەمەن ٢٨ ساڵ و خەڵکی بانە ڕاگەیاندووە .
بە پێی ڕاپۆرتی گەیشتوو ؛ ناوبراو لە ئاکامی ئەم تەقەکردنە پشتی بە قورسی بریندار بووە و بۆ وەرگرتنی چارەسەری پزیشکی بۆ نەخۆشخانەی سەڵاحەدین ئەیوبی بانە گواسراوەتەوە .
11:12 - 21/3/2024 نوێ کراوەتەوە.
زۆرتر لەسەر ئەم بابەتە:
- بریندار بوونی لانیکەم ٨ کۆڵبەر بە تەقەی هێزەنیزامییەکان لە سنوورەکانی کوردستان
- ڕاپۆرتێک سەبارەت بە بریندار بوونی لانیکەم ٧ کۆڵبەر بە تەقەی هێزەنیزامییەکان لە سنوورەکانی کوردستان
- بریندار بوونی ٦ کۆڵبەر بە هۆی تەقەی هێزەنیزامییەکان لە سنوورەکانی نەوسود و بانە
- بریندار بوونی سێ کۆڵبەر بە هۆی لێدان و تەقەی هێزەچەکدارەکان
