ئەرسەلان یارئەحمەدی لە فەیسبووکی خۆیدا رایگەیاندووە: باوکم "سولەیمان یارئەحمەدی"  و برا چکۆلەکەم "عومران یارئەحمەدی" لەلایەن پاراستنی ئیتلاعاتی پارێزگای کرماشانەوە داوا کراون و بۆ ماوەی چەند کاتژمێر کەوتوونە ژێر لێپرسینەوە و داوایان لەوان کردووە، یا دەست لە چالاکی راگەیاندن بکێشمەوە یا دەکوژرێم. 

ماڵپەڕی "هەنگاو"یش وێڕای پشتڕاست کردنەوەی ئەم هەواڵە، لە زمان "ئەرسەلان یارئەحمەدی"یەوە رایگەیاندووە: " هێزە ئەمنییەکان بە منیان وتووە کە موسا باباخانی بە هۆی کێشەی نامووسی کوژراوە و هیچ پەیوەندیی بە کۆماری ئیسلامی ئێرانەوە نییە و دەبی ئێوە لە هەنگاو هەواڵێک بڵاوبکەنەوە و بڵێن کە موسا دەستدرێژی کردووەتە سەر سێ ژنی خەڵکی هەولێر و هەر بەو هۆیەوە لەلایەن کەسوکاری ئەو ژنانەوە کوژراوە و دوای ئەو قسانە خێرا تەلەفونەکەم داخستەوە". 

شایانی باسە، گوشار بۆ بنەماڵەی چالاکانی سیاسی و مافی مرۆڤی یەکێکە لە رێگاکانی گوشارەکانی ناوەندە ئەمنییەکان بۆ سەر ئەو چالاکانە.