بەندکراوان
ئازاد کرانی دانا لنج ئابادی بە دانانی بارمتە
12:28 - 12/3/2024
هانا : ئەمڕۆ سێشەممە "٢٢ی رەشەمەی ١٤٠٢" دانا لنج ئابادی چالاکی مەدەنی تەمەن ٣٤ ساڵ و زیندانی سیاسی پێشوو خەڵکی مەریوان ، بە دانانی بارمتە بە شێوەی کاتی تا کۆتایی قوناغەکانی دادڕەسی ئازاد کرا .
ناوبراو ڕۆژی سێشەممە "1ی رەشەمەی ١٤٠٢" لە لایەن هێزەئەمنییەکانەوە دەستبەسەر و پاشان بۆ ئیدارەی ئیتڵاعاتی مەریوان ڕاگوێزرابوو .
ڕۆژی پێنج شەممە ٣ی رەشەمەی ١٤٠٢"
ناوبراو لە دادسەرای گشتی و شۆڕشی مەریوان بە تۆمەتی "پڕوپاگەندە لە دژی حکومەت" تۆمەتبار و بە قەراری گرتنی کاتی یەک مانگە بۆ گرتنگەی ئیدارەی ئیتڵاعاتی مەریوان گەڕێندرابووەوە .
ناوبراو پێشتر لە ساڵی ٩١ پاش بەڕێوچوونی گردبوونەوەی خوێندکارانی زانکۆی پەیامی نوری مەریوان ، لە ناڕەزایی بەرامبەر لە سێدارەدرانی سێ زیندانی سیاسی کورد لە لایەن هێزەئەمنییەکانەوە دەستبەسەر و پاشان لە لایەن دادگای شۆڕشی ئەم شارەوە بە تۆمەتی "پڕوپاگەندە لە دژی حکومەت" بە ساڵێک زیندان و بە تۆمەتی "تێکدانی نەزم و ئاسایشی گشتی" بە هەشت مانگ زیندان و لێدانی ٥٠ قامچی مەحکوم کرابوو .
زۆرتر لەسەر ئەم بابەتە:
- دەستبەسەر کرانی چالاکێکی مەدەنی خەڵکی گیلانغەرب لە لایەن هێزەئەمنییەکانەوە
- مەریوان ؛ ڕووداوی کار بووە هۆی گیانلەدەستدانی کرێکارێک
- بۆکان ؛ دەستبەسەر کرانی چالاکێکی مەدەنی کورد لە لایەن هێزەئەمنییەکانەوە
- مەحکوم بوونی کۆڵبەرێکی تەمەن ١٧ ساڵ بە زیندان سزای نەخدی و ٧٤ قامچی
- بریندار بوونی کۆڵبەرێک بە هۆی تەقەی هێزەنیزامییەکان لە سنووری نەوسود