هەواڵ
تیرۆر کرانی یەکێک لە ئەندامانی حزبی کۆمەڵەی کوردستانی ئێران
07:53 - 16/3/2024
هانا : شوعەیب زارعی ، لە ئەندامانی حزبی کۆمەڵەی کوردستانی ئێران لە ناوچەی "زڕگوێز" سەر بە سلێمانی ، لە لایەن بەکرێگیراوانی کۆماری ئیسلامییەوە تیرۆر کرا .
بە پێی ڕاپۆرتی هاوکارانی رێکخراوی مافی مرۆڤی هانا : ئێوارەی ئەمڕۆ شەممە "٢٦ی رەشەمەی ١٤٠٢" شوعەیب زارعی پێشمەرگەی حزبی کۆمەڵەی کوردستانی ئێران ، لە نزیک بارەگای زڕگوێز لە لایەن بەکرێگیراوانی کۆماری ئیسلامیەوە بە دەمانچە تەقە لە سەری کراوە و تیرۆر کراوە .
شوعەیب زارعی تەمەن ٣٤ ساڵ خەڵکی ئاوایی تەختەی سنە ، زیاتر لە ١٠ ساڵ پێشمەرگەی حزبی کۆمەڵەی کوردستانی ئێران بوو .
حزبی کۆمەڵەی کوردستانی ئێران لە ڕاگەینراوێکدا تیرۆر کرانی ئەم ئەندامە دەخاتە ئەستۆیی کۆماری ئیسلامی و داوا لە حکومەت عێراق و هەرێمی کوردستان دەکات پێش بە ماشێنی تیرۆری کۆماری ئیسلامی بگرن .
