رێکخراوی جیهانی کار
کەسانی ژێر تەمەنی ١٨ ساڵ بە منداڵ هەژمار دەکا و لە بواری ئاماریەوە سەرجەم جۆرەکانی کار کردنی منداڵان لە تەمەنی ژێر ١٨ ساڵ لە ئاماردا حساب دەکات .
بەپێی ئامارە نیودەوڵەتیەکان ، لە ئێستادا نزیکەی ١٥٣ ملوێن منداڵ لە تەمەنی نێوان ٥ تا ١٤ ساڵ هەن کە ناچارن کار بکەن لە سەرەتای کۆنواسیۆنی مافی منداڵاندا هاتووە :"منداڵ پێویستە لە کەشێکی پڕ لە بەختەوەری ، خۆشەویستی و تێگەیشتندا گەورە بێ"
بەپێی راپۆرتی ناوەندی توێژینەوەکانی پەڕڵەمانی ئێران ، ١٥ لە سەدی کۆی منداڵانی ئێران "منداڵانی کارن" و ئەم ئامارە ئەم ئامارە بە هۆی هەژاری بنەماڵەکان بەرز بووەتەوە ،  وتراوە ١٠ لە سەدی ئەم منداڵانە ئیمکانی رۆیشتن بۆ قوتابخانە و خوێندنیان نیە .
بەپێی ئاماری فەرمی ٢ ملوێن و بە پێی ئامارە نافەرمیەکان ٧ مڵوێن منداڵی کار لە ئێران بوونی هەیە ، لە بەشێک لە پارێزگاکانی ئێران تەمەنی منداڵانی کۆکەرەوەی زبڵ و خاشاک تەنیا ١٢ ساڵە .
رێکخراوی مافی مرۆڤی هانا لە نوامبری ٢٠٢٣ ، راپۆڕتێکی لە منداڵانی کار ئامادە و بڵاو کردووتەوە کە گۆشەیک لە منداڵانی کار نیشان دەدا .
لە کاتی خۆپێشاندانەکانی دژی حکومەت لە ئێران لە ساڵەکانی ١٤٠١،١٤٠٢، رێژەیکی زۆری منداڵان دەستبەسەر و رێژەیکی زۆریشیان کوژران ، بە پێی راپۆرتی ناوەندی ئاماری رێکخراوی مافی مرۆڤی هانا ، لە کاتی ئەم خۆپێشاندانانەدا تەنیا لە کوردستان زیاتر لە ٤٠٠ منداڵ دەستبەسەر کران کە ناسنامەی ٢١٠ کەس لەم منداڵانە بۆ رێکخراوی مافی مرۆڤی هانا پشتڕاست کراوەتەوە ، بە پێی ئەم ئامارە لە کوردستان ٢٩ منداڵیش بە تەقەی راستەوخۆی هێزە سەکوتگەرەکانی کۆماری ئیسلامی لە کاتی خۆپێشاندانەکان کوژراون .
دۆخی دژواری ئابووری لە ئێران و بە تایبەت ناوچە کورد نشینەکان ، بووەتە هۆی ئەوەیکە رێژەیکی زۆری منداڵان ڕوو لە کاری تاقەت پڕوکێن و کاری نامرۆڤانەی کۆڵبەریش بکەن بە جۆرێک هەفتەی رابردوودا لانیکەم شەش منداڵی کار لە ڕێگای کاری کۆڵبەری لە لایەن هێزە چەکدارەکانی کۆماری ئیسلامیەوە کراونەتە ئامانجی تەقە کردن و گیانیان لەدەستداوە .
رێکخراوی مافی مرۆڤی هانا ، پێداگرە لەگەڵ هەوڵدان بۆ ئاگادار کردنەوە و هوشیار کردنی کۆمەڵگا سەبارەت بە ناسینی مافە سەرەتەییەکان و مافی مرۆڤی منداڵان ، ڕای گشتی و دامەزراوە نێودەوڵەتیەکان سەبارەت بە پێشێلکرانی مافی منداڵان ئاگادار بکاتەوە .

رێکخراوی مافی مرۆڤی هانا
٢٠ی نوامبری ٢٠٢٣