بەندکراوان
مەحکوم بوونی شارۆمەندێکی خەڵکی کرماشان بە ٦ مانگ زیندان و سزای نەخدی
06:00 - 15/4/2024
بە پێی ڕاپۆرتی هاوکارانی هانا : شارۆمەندێکی کورد بە ناوی "بەهمەن نادری" تەمەن ٣٣ ساڵ خێزاندار و خەڵکی کرماشان ، لە لایەن لقی یەکی دادگای شۆڕشی کرماشان بە تۆمەتی "پڕوپاگەندە لە دژی حکومەت" بە شەش مانگ زیندانی تەعزیری هەشت ملوێن تمەن سزای نەخدی مەحکوم بووە و ئەم حوکمە ڕۆژی دووشەممە "٢٧ی خاکەلێوەی ١٤٠٣" بەم شارۆمەندە ڕاگەینراوە .
ناوبراو لە رێکەوتی "٢١ی خەرمانانی ١٤٠٢" لە کاتی ساڵیادی شۆڕشی ژن ، ژیان ، ئازادی ١٤٠١ ، لە لایەن هێزەکانی ئیتڵاعاتی سوپای پاسدارانەوە دەستبەسەر و پاش یەک هەفتە بە دانانی بارمتەی ٥٠٠ ملوێن تمەنی بە شێوەی کاتی ئازاد کرابوو .
هەر وەها ئەم شارۆمەندە کوردە ڕۆژی یەکشەممە "٨ی ڕێبەندانی ١٤٠٢" پاش بانگ کران بۆ لقی چواری لێکۆڵەری دادسەرای گشتی و شۆڕشێ کرماشان بە هۆی بڵاو کردنەوەی بانگەواز لە تۆڕە کۆمەڵایەتیەکان بۆ بایکۆتی هەڵبژاردنەکان ، تۆمەتی "پڕوپاگەندە لە دژی حکومەت"ی ڕووبەڕوو کرایەوە و لە کۆتایدا بە دانانی بامتەی ٤٠٠ ملوێن تمەنی بە شێوەی کاتی ئازاد کرابوو .
زۆرتر لەسەر ئەم بابەتە:
- بریندار بوونی دوو شارۆمەندی خەڵکی کرماشان بە هۆی تەقەی هێزەئەمنیەکان
- دەستبەسەر کرانی چالاکێکی مەدەنی خەڵکی گیلانغەرب لە لایەن هێزەئەمنییەکانەوە
- کرماشان ؛ کوژرانی ژنێکی لاو و ئەندامانی بنەماڵەکەی لە لایەن هاوسەری پێشوویەوە
- هێزەئەمنییەکان هێرشیان کردە سەر ماڵی شارۆمەندێک بە ناوی کەیهان سلێمانی لە کرماشان
