ئەنجوومەنی مافی مرۆڤ لە پەنجاوپەنجەمین دانیشتنی خۆیدا لە جنێڤ دەنگی لەسەر ڕەشنووسی بڕیارنامەی دۆخی مافی مرۆڤ لە ئێران دا کە دواجار بە ٢٤ دەنگی ئەرێنی و هەشت دەنگی نەرێنی و ١٥ دەنگی بێ لایەن پەسەند کرا.
24 وڵاتیش دەنگیان بەو بڕیارنامەیە دا و هەشت وڵاتیش دەنگی نەخێریان دا.

 وڵاتانی ئاڵبانی ، ئەرجەنتین، بەلجیکا ، بێنین، بولگاریا ، شیلی ، کاستاریکا ، کۆماری دۆمینیکەن ، فینلاند ، فەرەنسا ، گامبیا ، ئەڵمانیا ، هندۆراس ، ژاپۆن ، لیتوانیی ، لۆکسمبۆرگ ، مالاوی ، مۆنتینیگرۆ ، مەراکەش ، هۆڵەند ، پاراگوای ، ڕۆمانی ، سۆماڵی و ئەمریکا دەنگی ئەرێنیان بەو   بڕیارنامەیە دا.

ڤێتنام ، سودان ، ئەندەنوسیا ، ئێریترێ ، کوبا ، چین ، بوروندی و جەزائیر بە دژی ئەم بڕیارنامەیە دەنگیان دا و وڵاتانی بەنگلادیش ، بەرازیل ، کامێرون ، ساحلی عاج ، قیرغیزستان ، کوێت ، کازاخستان ، هیندستان، غانا ، گورجستان ، مالیزیا ، ماڵدیڤ ، قەتەر ، ئەفریقای باشوور و ئیماراتی یەکگرتووی عەرەبی بەشدارییان نەکرد و دەنگیان بێ لایان بوو .
 
لێژنەی سەربەخۆی دۆزینەوەی ڕاستییەکانی نێودەوڵەتی دوای کوژرانی مەهسا (ژینا) ئەمینی لە گرتنگەی گەشتی ئیرشاد  پێکهێنرا و بە کۆکردنەوە و پاراستنی بەڵگەنامەکان و ناسینەوەی تۆمەتبارانی پێشێلکردنی مافەکانی مرۆڤ ، هەنگاوی جددی ناوە لە پێناوی وەڵامدەروە کردنی ئەنجامدەرانی تاوانەکان.

ئەم لیژنەیە کە لەلایەن ئەنجومەنی مافی مرۆڤی نەتەوە یەکگرتووەکانەوە ڕاسپێردراوە بۆ ئامادەکردنی ئەم ڕاپۆرتە سەبارەت بە ئێران ، لە ڕاپۆرتێکدا لە مانگی ئێسفەندی ساڵی ١٤٠٢دا ، "هەڵاواردنی دامەزراوەیی لە دژی ژنان و کچان" لە ئێرانی بە واتای پێشێلکردنی مافەکانی مرۆڤ و تاوانەکانی دژ بە مرۆڤایەتی لە چوارچێوەی ناڕەزایەتییەکانی ئەم دواییە زانی .