ئەمیر محەمەدخانی ڕۆژی چوارشەممە "٧ی سەرماوەزی ١٤٠٣" بەبێ پێدانی بەڵگەی یاسایی و حوکمی دادگا لە شوێنی کارەکەی لە لایەن هێزەکانی ئیدارەی ئیتڵاعاتی دیواندەرەوە دەستبەسەر و بۆ گرتنگەی ئیدارەی ئیتڵاعاتی ئەم شارە ڕاگوێزرابوو .

 بنەماڵەی ئەم شارۆمەندە ڕۆژی پێنج شەممە ٨ی سەرماوەز بە مەبەستی ئاگادار بوون لە بار و دۆخی ئەو سەردانی ئیدارەی ئیتڵاعاتیان کردووە و پێیان ڕاگەینراوە کە ئەمیر محەمەدخانی بۆ بەندیخانەی سنە ڕاگوێزراوە .

بە گوێرەی زانیاری سەرچاوەکانی هانا ؛ ئەم شارۆمەندە لە ساتی دەستبەسەر کرانیەوە تا ئێستا لە مافی پەیوەندی تەلەفۆنی ، چاوپێکەوتنی بنەماڵەکەی و مافی وەرگرتنی پارێزەر بێبەش کراوە .

ئەمیر محەمەدخانی خێزاندار و باوکی منداڵێکە .