هەواڵ
ناوی دوو گیانبەختکردووی دیکەی خۆپیشاندانەکان ئاشکرا بوو
11:12 - 23/9/2022
هانا: بەپێی راپۆرتی هاوکارانی هانا، دوو گیانبەختکردووی تری خۆپیشاندانەکانی ئێران بۆ ناڕەزایەتی بە کوشتنی ژینا ئەمینی لە شارەکانی نەوشار و کەرەج ئاشکرا بوو.
لە راپۆرتێکی تردا هاتووە، دوابەدوای کوشتنی ژینا ئەمینی لەلایەن گەشتەکانی ئیرشادی حکومەتی ئیسلامی ئێرانەوە و خۆپیشاندان و ناڕەزایەتی جەماوەری، رۆژی چوارشەممە ٣٠ی خرمانانی ١٤٠١ کچێکی لاو بە ناوی حەنانە کیا تەمەن ٢٢ ساڵ و خەڵکی نەوشار بە تەقەی راستەوخۆی هێزە چەکدارەکانی حکومەتی ئیسلامی ئێران لە نەوشار گیانی لەدەستداوە.
هەروەها لە راپۆرتێکی دیکەدا هاوکارانی هانا رایانگەیاندووە، شارۆمەندێکی تر بە ناوی رووزبێە خادمی تەمەن ٣٢ ساڵ و خەڵکی کەرەج، لە خۆپیشاندانی جەماوەری و ناڕەزایەتی بە کوشتنی ژینا ئەمینی بە تەقەی هێزە چەکدارەکانی حکومەتی ئیسلامی ئێران گیانی لەدەستداوە.
زۆرتر لەسەر ئەم بابەتە:
- سزای لە سێدارەدانی دوو زیندانی خەڵکی هەرسین لە زیندانی ناوەندی کەرەج جێبەجێکرا
- دۆزینەوەی تەرمی کرێکارێکی خەڵکی بۆکان پاش ماوەیکی زۆر بێ سەروشوێن بوون لە شاری کەرەج !
- مەحکووم بوونی پارێزەری بنەماڵەی مەهسا ئەمینی بە رێکلام لە دژی نیزام
- لەسێدارەدانی زیندانییەکی خەڵکی هەرسین لە زیندانی ناوەندی کەرەج
- سزای لە سێدارە دان بەسەر هاووڵاتیەکی ژن
