هەواڵ
نازیلا مەعروفیان لە زیندانی ئەوین ئازاد کرا
04:39 - 9/9/2023
بە پێی ئەو راپۆرتانەی گەییشتوونەتە دەست رێکخراوی مافی مرۆڤی هانا : ئەمرۆ شەممە ٩ی سپتامبەری ٢٠٢٣ نازیلا مەعروفیان رۆژنامەنووسی کورد خەڵکی سەقز و دانیشتووی تاران ، بە شێوەی کاتی و بە کەفالەت لە زیندانی ئەوین ئازاد کرا
نازیلا مەعروفیان لە رێکەوتی ٣٠ ئاگۆستی ٢٠٢٣ بۆ چوارەم جار لە دەستپێکی شۆرشی ژن ژیان ئازادی لە لایەن هێزەکانی حکومەتەوە دەستبەسەر کرابوو و لە لایەن شۆعبەی ٢٦ ی دادگای شۆرشی تاران بە سەرپەرشتی ئیمان ئەفشاری بە تۆمەتی رێکلام لە دژی حکومەت و دارشتنی پیلان بۆ شێواندنی ئەمنییەتی ناوخۆ بە ساڵێک زیندانی تەعزیری و ١٥ ملوێن تمەن سزای نەقدی مەحکووم کرا
ئەم رۆژنامەنووسە کوردە لە رێکەوتی ٣٠ ئاگۆستی ٢٠٢٣ بە هۆی پشتیوانی کردن لە مەهدی یەراحی لە لایەن هێزەکانی حکومەتەوە بە لێدان و تووندوتیژی دەستبەسەر کرابوو
شایانی باسە ناوبراو لە رێکەوتی ٣٠ ئۆکتۆبەری ٢٠٢٢ی ساڵی رابردوو تا ئێستا چوارەمین جارە کە لە لایەن هێزەکانی حکومەتەوە دەستبەسەر کراوە
04:41 - 9/9/2023 نوێ کراوەتەوە.
زۆرتر لەسەر ئەم بابەتە:
- دەستبەسەر کران و ڕاگواستنی ناهید خوداجو بۆ زیندانی ئێڤین بە مەبەستی جێبەجێکرانی سزاکەی
- پەخشان عەزیزی رۆژنامەنوسی کورد بە ئەندام بوون لە گروپە دژبەرەکانی وڵات تۆمەتبار کرا
- ئەگەری ئێعدام کرانی چوار زیندانی سیاسی کورد لە کاژێرەکانی داهاتوو
- گواستنەوەی پەخشان عەزیزی رۆژنامەنووسی کورد بۆ بەندی ژنانی زیندانی ئەوین
- فواد فەتحی چالاکی کرێکاری خەڵکی سنە سزای چوار ساڵ زیندانی بە سەردا سەپێنرا